Mi por hasi deklarashon di belasting online?

Bo ta risibí un invitashon pa hasi deklarashon. Seguidamente bo mes por traha un account na kas. Kon pa hasi esaki, bo ta lesa akibou na e pregunta “Kon mi ta habri un account?”.

Den kaso ku bo no a risibí un invitashon, kiko mi tin ku hasi?

Den kaso ku bo no a haña un invitashon di B/CN i bo ke hasi deklarashon di bo IB online, nos ta supliká bo pa tuma kontakto ku B/CN.

Kon mi ta habri un account?

Den kaso ku bo a risibí un invitashon i ku bo tin un cribnummer, un sédula i un emailadres, e ora ei bo por habri un account. Bo por habri un account di e siguiente manera:

1. Bai na e startpágina di IB Online Aangifte
2. Klek riba e lenk “Maak deze dan eerst aan”.
3. Bo ta yena bo datonan (kòrda riba nòmber di usuario; emailadres bálido; nòmber ku fam i bo password). Konfirmá bo registrashon dor di klek riba OK.
4. Bo ta risibí un mensahe via e-mail tokante bo aplikashon, esaki ta kontené bo kódigo pa aktivá i instrukshon kon bo ta aktivá bo account.
5. Dor di klek riba e lenk den e mensahe i sigui e instrukshonnan bo por aktivá bo account.
6. Bo ta yena bo nòmber di usuario, emailadres i bo kódigo di aktivá. Konfirmá bo registrashon dor di klek riba OK.
7. Bo account ta aktivá. Bo ta risibí un mensahe via e-mail ku e anunsio ku bo por drenta e programa i pidi pa akseso na deklarashon di impuesto di entrada.

Mi no tin scanner. Kon mi por agregá un dokumentu na e deklarashon?

Den kaso ku bo no tin un scanner ta posibel pa saka un pòrtrèt di e dokumentu ku mester pone aserka ku telefòn i manda e pòrtrèt pa bo mes via e-mail i manda esaki pa e IB programa online.

Dikon mi mester pone dokumentu athuntu?

B/CN lo mester por verifiká e informashon na kual ta referí, pa e motibu akí nos ta pidi pa pone dokumentu athuntu.

Den kua idioma mi por hasi deklarashon?

Den e fase akí por hasi deklarashon di IB online na hulandes i na ingles.

Mi kódigo di aktivá a kaduká. Kiko mi mester hasi?

Den kaso ku bo kódigo di aktivá a kaduká bo mester apliká pa un kódigo nobo. Pa apliká pa un kódigo nobo bo ta hasi esaki na e siguiente manera:

1. Bai na e startpágina i klek riba e lenk “Vraag dan een nieuwe activeringscode aan”.
2. Yena akí bo nòmber di usuario, emailadres i e CAPTCHA. Konfirmá bo registrashon pa medio di klek riba OK.
3. Bo ta risibí un mensahe via di e-mail tokante bo aplikashon, akiden bo ta haña bo kódigo di aktivá nobo i instrukshon kon pa aktivá bo account. E kódigo di aktivá akí ta bálido pa 1 dia.

Kiko ta un CAPTCHA?

CAPTCHA ta un "completely automated public turing test to tell computers and humans apart". (tèst Turing públiko kompletamente outomatisá pa distinguí hende for di kòmpiuter) Ku esaki B/CN por distinguí si ta trata di ser humano òf di asina yamá robòt. E CAPTCHA-tèst ku ta mas usá ta esun kaminda bo haña un seri arbitrario di (mayoria di biaha) lèter deformá i/òf sifra, ku bo mester taip di nobo.

Dikon mi mester yena mi emailadres?

Bo emailadres ta di importansia ora di traha bo account di usuario i demas komunikashon entre abo i B/CN. Durante e prosedura di entrada bo lo risibí mas instrukshon i informashon riba bo emailadres. Pa e motibu akí bo tin ku duna un emailadres ku ta bálido i aktivo.

Kon largu ta dura promé ku a aprobá mi aplikashon pa akseso pa deklarashon online?

Bo lo risibí denter di máksimo 3 dia di trabou un mensahe via e-mail ku evaluashon di bo aplikashon.

Dikon mi mester apliká pa akseso pa hasi deklarashon online?

B/CN ta haña e siguridat di bo datonan importante, ta p’esei e prosedura akí ta trahá asina aki.

Kon mi por imprimí mi deklarashon online?

Den e aplikashon di deklarashon online di IB bo por klek riba e lenk “Afdrukken” i kontinuá ku e pasonan di e proseso. Bo por warda bo deklarashon tambe den format di pdf i imprimí esaki despues. Bo deklarashon ta imprimí komo un dokumentu di pdf. Den kaso ku e dokumentu no ta habri outomátikamente, kontrolá e ora ei si bo browser ta mèldu ku tin blokeo di un pop-up. Den e kaso akí skohe pa permití pop-up di e página akí.

Mi por warda mi deklarashon online den mi kòmpiuter?

Ta posibel pa warda bo deklarashon online den bo kòmpiuter. Klek riba lenk “Afdrukken” i promé ku bo por imprimí e deklarashon, bo por download esaki den bo kòmpiuter i warda esaki.

Mi no tin sierto entrada òf gastu. Kiko mi mester yena?

Bo por laga e espasionan ei bashí.

Kiko ta nifiká '*' despues di un pregunta?

'*'ta nifiká un espasio obligatorio. Na e espasionan akí bo ta obligá di yena informashon òf di duna un dokumentu athuntu.

Kiko ta sosedé den kaso ku mi ta stòp durante e proseso?

Bo no tin mester di finalisá e deklarashon den un biaha. Den kaso ku bo sera e seshon, bo por kontinuá despues kaminda bo a keda den e proseso.

Kon mi ta entregá e deklarashon online?

Entrega di e deklarashon online ta bai digitalmente pa B/CN. Ora bo ta kla ku yenamentu di tur espasio bo mester firma e deklarashon online digitalmente i manda esaki. Kon pa firma digitalmente bo ta lesa akibou.

Kon mi ta firma mi deklarashon?

Despues ku bo a kaba yena bo deklarashon i tur espasio ta konfirmá, bo ta haña oportunidat di firma e deklarashon. Bo ta firma dor di klek riba e boton “Aangifte ondertekenen en verzenden”. Ku esaki bo ta deklará ku bo yena bo deklarashon online kompletu y korekto i bo ta entregá e deklarashon online. Bo account ta fungi komo firma digital ora di manda e deklarashon online.

Mi por hasi deklarashon pa mi partner tambe?

Si, den kaso ku bo a haña invitashon huntu pa hasi deklarashon bo por yena e datonan di bo partner tambe.

Mi por hasi deklarashon online pa un otro persona tambe?

Esaki ta un prueba ainda i por lo pronto e opshon akí no ta posibel. Bo por hasi deklarashon solamente pa bo mes account.

Mi por agregá tur e dokumentunan athuntu di un solo biaha?

Nò, tin espasio obligatorio unda kada biaha mester agregá e dokumentunan athuntu. Na final di e deklarashon online, ainda bo tin e posibilidat di agregá e dokumentunan ku falta.

Mi por a haña un bista kuantu belasting mi tin ku paga òf kuantu mi ta haña bèk?

Den e fase akí esaki no ta posibel ainda. Esaki ta un prueba. Den futuro esaki kisas sigur lo ta posibel.

Mi a manda mi deklarashon online. Kiko ta bai pasa awor?

E status di bo deklarashon online a kambia pa “Ingediend”. Bo ta haña un komprobante di entrega via e-mail ku ta menshoná “Uw aangifte is ingediend”. Bo deklarashon online ta den nos sistema pa bai prosesá. Den e portal online bo por wak bo deklarashon i/òf imprimí esaki pa bo atministrashon.

Mi ke agregá un dokumentu ku no a pidi den e deklarashon online. Kon mi por hasi esaki?

Si bo ke agregá un dokumentu athuntu ku no ta kuadra ku un di e partinan di e deklarashon, bo por agregá e dokumentu ainda bou di 'Bijlagen'. Bo ta hasi esaki dor di klek riba “Overig document toevoegen”.

Ki sorto di dokumentu athuntu mi por agregá?

Bo por agregá fail den format di pdf, doc, docx, jpg, jpeg, png i bmp komo dokumentu athuntu (por máksimo 5mb pa dokumentu i 70 dokumentu pa deklarashon online). Esaki por direktamente den e rúbrika konserní. Pero nos por supliká bo ainda pa manda e dokumentunan pa nos.

Mi a agregá un dokumentu robes. Kon mi por kambia esaki?

Bo a agregá e dokumentu robes? E ora ei bai bèk na e parti di e deklarashon pa remplasá e fail òf pa kita esaki. E promé dokumentu ku bo a agregá di un pregunta ta obligatorio. Bo lo por remplasá esaki outomátikamente ora ku bo agregá e dokumentu korekto. Den kaso ku bo a agregá un di dos òf mas dokumentu bo tin e opshon pa kita esakinan. Esaki por pa medio di e menú na man robes di e pantaya.

Mi a hasi un fout den mi deklarashon. Kiko hasi awor?

Den kaso ku bo no a entregá bo deklarashon digitalmente, bo por bai bèk na e espasio konserní i koregí e fout. Den kaso ku bo a manda e deklarashon kaba bo mester koregí e fout pa medio di deklarashon riba papel. Kambio di e deklarashon online akí ta solamente posibel pa medio di entregá un deklarashon di papel koregí.

Mi a haña un mensahe via e-mail di B/CN, pero mi no a manda ningun aplikashon. Kiko mi mester hasi?

Nos ta konsehá bo pa tuma kontakto ku B/CN.

Mi a haña un kódigo di aktivá via e-mail. Mi tin ku taip esaki kompletamente di nobo?

Bo no tin nodi di taip esaki di nobo. Bo por kopia e kódigo for di e mensahe di e-mail i plak esaki na e pregunta den e portal online.

Mi datonan ku mi manda ta sigur?

B/CN ta konsiderá e siguridat di bo datonan komo algu serio i ta hasi su máksimo pa sigurá bo datonan bon.

Mi a habri un account pero ainda mi no por hasi deklarashon online. Kiko mester hasi awor?

Pa por hasi deklarashon di IB online, bo mester apliká pa akseso na e portal promé. Pa apliká pa e portal bo ta hasi lo siguiente. Bai na e pantaya di entrada.
• yena aki bo nòmber di usuario i bo password;
• klek e ora ei riba “Inloggen”. Awor bo por apliká pa akseso na hasi deklarashon online. Yena aki e siguiente datonan:
• bo cribnummer;
• bo number di sédula;
• bo fecha di nasementu;
• por último agregá un kopia di bo sédula. Konfirmá bo registrashon dor di klek riba “OK”. B/CN lo evaluá bo aplikashon. Bo lo risibí denter di máksimo 3 dia di trabou un mensahe via e-mail ku un reakshon riba bo aplikashon.

Mi no ta logra drenta den e portal. Kiko mester hasi awor?

Kontrolá si bo password i nòmber di usuario ta kuadra. Den kaso ku bo a lubidá bo password klek riba e lenk “Wachtwoord vergeten”. Yena e ora ei bo nòmber di usuario i emailadres. Konfirmá bo registrashon dor di klek riba “OK”. Bo ta risibí un mensahe via e-mail ku anunsio ku bo a pidi un password nobo pa e portal online di B/CN. Bo mester hasi uso di e password i di e nòmber di usuario akí ku e kódigo di aktivá. E kódigo di aktivá akí ta bálido solamente pa 1 dia. Na momentu ku esaki kaduká, bo mester apliká pa un kódigo di aktivá nobo pa aktivá e password akí i bo account.

Hasimentu di deklarashon online ta sigur?

A tuma medida di seguridat pa sòru ku e funshonalidat ta bon sigurá. E akseso ta sigurá i ta garantisá e konfidensialidat di bo datonan. E páginanan di wèp di e portal ta konsistí di e protokòl HTTPS. Esaki ta para pa HyperText Transfer Protocol Secure i bo ta rekonosé esaki na e promé lèternan di e direkshon di wèp. E datonan ku bo ta manda di e manera akí ta bai den forma kambiá i bruá ku otro hende no por mira e datonan akí. No opstante, ta konsehá semper pa usa medidanan di siguridat adishonal. Bo por sigurá bo propio kòmpiuter dor di instalá programa di firewall, virus scanner i anti-spyware. B/CN no por asistí den esaki.

Kua ta e rekisitonan pa e sistema di kòmpiuter i browsers ku ta sostené e funshonamentu di mi kòmpiuter?

E portal online ta aksesibel ku sistema di manehá kòmpiuter Windows XP, Vista, Windows 7 òf 8 òf e sistema di manehá kòmpiuter Apple Macintosh OS X i for di 10.6.
Bo pantaya mester disponé por mínimo di un resolushon di pantaya di 1024 x 768 pixel i 256 koló.
Komo browser (programa di subi internèt) por hasi uso di Internet Explorer 8 i mas haltu, Mozilla Firefox 20 i mas haltu, Google Chrome.

Riba un kòmpiuter di Apple esaki ta Safari 5 i mas haltu, Mozilla Firefox 20 i mas haltu, Google Chrome.

o tin ainda Internet Explorer 6 òf 7? E vershonnan akí a bira bieu i Microsoft no ta adaptá nan mas ku teknologianan moderno.
Pues no usa esakinan. Pa uso di un browser sigur ku ta duna sosten optimal nos ta konsehá pa hasi uso di e dos vershonnan mas resien di Internet Explorer, Mozilla Firefox, Safari òf Google Chrome.

E konfigurashon di bo browser mester ta pone riba 100%. E funshon di zoom in i out no ta funshoná kompletamente ainda.

 

Windows
Win 7 Win 8 Win 10
MS IE 9 - - -
MS IE 10 Ja Ja Ja
MS IE 11 Ja Ja Ja
MS Edge - - Ja
Mozilla Firefox 39 Ja Ja Ja
Mozilla Firefox 40 Ja Ja Ja
Mozilla Firefox 41 Ja Ja Ja
Google Chrome 44 Ja Ja Ja
Google Chrome 45 Ja Ja Ja
Google Chrome 46 Ja Ja Ja
Opera 30 Ja Ja Ja
Opera 31 Ja Ja Ja
Opera 32 Ja Ja Ja
Safari 7 No No No
Safari 8 No No No
Safari 9 No No No
Android - -

-

Linux Apple
Ubuntu OS X El Capitan iOS 8,9 ipad
MS IE 9 - - -
MS IE 10 - - -
MS IE 11 - - -
MS Edge - - -
Mozilla Firefox 39 Ja Ja -
Mozilla Firefox 40 Ja Ja -
Mozilla Firefox 41 Ja Ja -
Google Chrome 44 Ja Ja -
Google Chrome 45 Ja Ja -
Google Chrome 46 Ja Ja Ja
Opera 30 No No -
Opera 31 No No -
Opera 32 No Ja Ja
Safari 7 - Ja No
Safari 8 - Ja No
Safari 9 - Ja Ja
Android - -

-

Android
Jelly Bean KitKat Lollipop
MS IE 9 - - -
MS IE 10 - - -
MS IE 11 - - -
MS Edge - - -
Mozilla Firefox 39 - - -
Mozilla Firefox 40 - - -
Mozilla Firefox 41 Ja Ja Ja
Google Chrome 44 - - -
Google Chrome 45 - - -
Google Chrome 46 Ja Ja Ja
Opera 30 - - -
Opera 31 - - -
Opera 32 Ja Ja Ja
Safari 7 - - -
Safari 8 - - -
Safari 9 - - -
Android Ja Ja Ja

Unda mi mester bai pa mas informashon?

E empleadonan di B/CN ta asistí bo gustosamente den e proseso di hasi deklarashon di IB online. Pa esaki bo por tuma kontakto ku e empleadonan di resepshon di B/CN.

Mi por kambia mi emailadres?

No, na e momentu nan aki abo mes lo no por kambia bo emailadres. Tuma kontakto ku B/CN. E empleadonan di B/CN lo yuda bo.


end faq